Futzal bo‘yicha Osiyo Kubogining 1-turidan o‘rin olgan O‘zbekiston va Avstraliya jamoalari o‘rtasidagi uchrashuv bo‘lib o‘tdi.
Uchrashuvning 5-daqiqasida avstraliyalik futzalchi UYEyd hisobni ochdi. Ushbu hisob birinchi bo‘limning so‘nggigacha saqlanib qoldi.
Ikkinchi taymni O‘zbekiston terma jamoasi hujumkor ruhda boshladi.
21-daqiqada Akbar Usmonov hisobni tenglashtirdi.
Oradan bir daqiqa o‘tib Dilshod Rahmatov hisobni 2:1 ko‘rinishiga olib keldi.
Shundan keyin ham o‘zbekistonlik futzalchilar o‘z omadlarini hujumda izlab ko‘rishdi. Dilshod Rahmatov 36-daqiqada dubl qayd etib hisobni 3:1 ko‘rinishiga olib keldi.
Uchrashuvning 38-daqiqasida Garner hisobni qisqartirdi. Ushbu hisob uchrashuv so‘nggigacha saqlanib qoldi va o‘zbekistonlik futzalchilar o‘z hisoblariga dastlabki uch ochkoni yozib qo‘yishdi.
Futzal. Osiyo Kubogi
1-tur
O‘zbekiston – Avstraliya 3:2
Gollar: 0:1 — UYEyd Jiovenali (5), 1:1 — Akbar Usmonov (21), 2:1 — Dilshod Rahmatov (22), 3:1 — Dilshod Rahmatov (36), 3:2 — Tayler Garner (38).
