O‘zbekiston kubogi 2-turi doirasida Jizzaxda o‘tgan «Dinamo» — «Nasaf» (3:3) o‘yinidan keyin Ro‘ziqul Berdiyev o‘z fikrlarini bildirdi.

«Dinamo» bilan «Nasaf» o‘yini har doim shunaqa bo‘lsa kerak – bugun ham ochiq futbol bo‘ldi. Vaziyatlar ko‘p, gollarga boy bahs bo‘ldi. Ikkinchi golni kiritganimizda vaziyatimiz yaxshiroq bo‘lishi mumkin edi. Qayd etishim kerak, «Dinamo» ojiz nuqtalarimizga e’tibor qaratib, kerakli natijaga erishdi. Bu himoyamizdagi yo‘qotishlar va darvozabonimizni o‘yin amaliyoti kamligi edi.

Guruhdagi vaziyat? Bu guruhdagi kurashda ko‘p narsa «Navbahor»ga bog‘liq bo‘lib qoldi. Guruhdagi uchta jamoadan qay biri ularga ma’qul kelsa, o‘sha jamoa chiqishi mumkin. Uchta jamoa ham oxirigacha kurashadi.

«Dinamo»dan bugungidek ochiq va hujumkor o‘yin kutgan edik va ular shuni ko‘rsatishdi. Chunki Abramovni bilasizlar – ochiq va hujumkor futbol o‘ynashni yaxshi ko‘radi va shuni taklif qiladi. Buni yigitlarimizga tushuntirgandik, ammo oson gollarni o‘tkazib yubordik. Xatolar qimmatga tushdi».

«Dinamo» matbuot xizmati.