Futzal bo‘yicha 2024 yilgi Jahon chempionatida ishtirok etuvchi 24 jamoa nomi ma’lum bo‘lib ulgurdi. FIFA tomonidan o‘ninchi bor tashkil etilayotgan bu galgi turnir joriy yilning 14 sentyabr — 6 oktyabr kunlari Toshkent, Andijon va Buxoro shaharlarida o‘tkaziladi.
26 may kuni Samarqand shahridagi Registon maydonida turnirga qur’a tashlash marosimi bo‘lib o‘tadi. Unga qadar O‘zbekiston futbol assosiasiyasi har bir terma jamoaning asosiy o‘yinchilari va Jahon chempionatida qayd etgan natijalari haqida ma’lumotlar taqdim qilib borishini ma’lum qildi. Bugungi birinchi jamoa esa O‘zbekiston.
O‘zbekiston futzal milliy terma jamoasi
Bosh murabbiy: Xose Venansio Lopes
Jamoa laqabi: Oq bo‘rilar
Jahon chempionatlari tarixi
Ishtirok: 2 marta (2016, 2021)
G‘alaba – 1
Durang – 1
Mag‘lubiyat – 5
Eng yirik g‘alaba: Misr 1:2 O‘zbekiston (2021)
Eng yirik mag‘lubiyat: Portugaliya 5:1 O‘zbekiston (2016)
Eng yaxshi to‘purar: Ixtiyor Ropiyev (4 gol)
Eng yaxshi natija: 1/16 final (2021)
JCH yo‘llanmasini qanday qo‘lga kiritgan: Mezbon (2024 yilgi Osiyo kubogida 3-o‘rin)
