"Bavariya" hujumchisi Xarri Keyn hozirgi jamoasida qancha vaqt o‘ynashni rejalashtirayotganini aytdi.
30 yoshli angliyalik futbolchi o‘tgan yozda Londonning "Tottenxem" klubidan 95 million yevro evaziga ko‘chib o‘tgandi.
“Men bu erga ko‘p yillar qolish uchun kelganman. Bu yerga bor-yo‘g‘i bir mavsum kelganim yo‘q. Sovrin yutishni xohlardim, lekin Bundesligada hammasi men xohlagandek bo‘lmadi. Biroq, eng muhim turnir Chempionlar ligasi. Bu yerga aynan shunday muhim uchrashuvlarda qatnashish uchun kelganman. Hozir bir haftadan so‘ng bo‘lib o‘tadigan "Santyago Bernabeu"dagi o‘yindan muhimroq narsa yo‘q", - deya Keyn so‘zlaridan iqtibos keltiradi TNT Sports.
