“Yuventus” va “Barselona”ning sobiq yarim himoyachisi Miralyem Pyanich Bosniya va Gersegovina terma jamoasidagi faoliyatini yakunlaganini e’lon qildi.
“Bosniya va Gersegovina terma jamoasida o‘tkazgan 16 yilimdan so‘ng, hammasi tugadi, deyish vaqti keldi. Bu hozirgacha men qabul qilishim kerak bo‘lgan eng qiyin qarorlardan biri, ammo katta g‘urur va samimiy mamnuniyat bilan aytamanki, barchasi yetarli bo‘ldi.
Men 115 ta o‘yin o‘tkazdim, juda ko‘p quvonchni boshdan kechirdim, jahon chempionatiga chiqdim – bularning barchasi bolalikdagi orzum edi va haqiqatga aylandi.
Men har doim o‘z mamlakatim futbolkasini mehr va g‘urur bilan kiyib yurganman, xalqim uchun, butun dunyo bo‘ylab sodiq muxlislarimiz uchun o‘ynaganman”, — dedi Pyanich ijtimoiy tarmoqlarda.
