«Brest»ning «Renn»ga qarshi o‘yini - aprelda kuzatilgan telbavorlikning yuqori nuqtasi.

9-daqiqagacha 2ta gol qo‘yib yuborgan jamoa ikkinchi bo‘lim yarmiga bormay, hisobni 4:2ga oshirdi. Biroq «Renn» qo‘l ko‘tarmadi va 79-daqiqada muvozanatni tikladi - 4:4. 90+5-daqiqada esa himoyachi Lilian Brassye «Brest» g‘alabasini ta’minladi. 5:4 - bu Fransiya chempionati-2023|2024dagi eng sermahsul natija. Umuman, Liga 1ning muayyan o‘yinida oxirgi marta 2009 yili bundan ko‘proq gol qayd etilgandi. O‘shanda «Lion» va «Marsel» o‘rtasidagi otishma 5:5 hisobida yakunlangan edi.

Umuman, «Brest» aprelda Liga 1ning eng mahsuldor 7ta o‘yinidan 3tasida ishtirok etdi. Alohida fakt: ushbu quvnoq jamoa o‘zining 74 yillik tarixida ilk marta yevrokuboklarda o‘ynash huquqini naqd qildi. Hozirda 3-o‘rinda borayotgan klub hattoki, CHL chiptasiga da’vogar. Diqqatga sazovor tomoni, transfermarkt portali ma’lumotlari bo‘yicha aytsak, «Brest» Liga 1ning eng arzon ishtirokchilaridan biridir. Aniqrog‘i, CHLga intilayotgan klub tarkibdagi futbolchilarining umumiy transfer summasi bo‘yicha chempionatda atigi 5ta jamoadan oldinda, xolos. Nima derdik, «Brest» kamtarlik va quvnoqlikni ideal darajada uyg‘unlashtirmoqda. Qoyil.