"Real Madrid" yarim himoyachisi Jud Bellingem Madrid klubiga o‘tgani haqida gapirdi, shuningdek, "Los Blankos" rahbariyatiga unga bo‘lgan qiziqishlari uchun minnatdorchilik bildirdi.
"Real Madrid - o‘zgacha klub. Bu klub bilan shartnoma imzolash men bilan sodir bo‘lgan eng yaxshi voqea. Bu 2023 yildagi hayotimdagi asosiy voqea.
Menga bo‘lgan qiziqishlari uchun "Real"ga rahmat aytishim kerak. Bu yerda ko‘plab iqtidorli futbolchilar bor va ular menda jamoaga moslashish uchun to‘g‘ri xislat va xarakterga ega deb o‘ylaganliklaridan faxrlanaman. "Real Madrid" menga qo‘ng‘iroq qilib, keyingi bir necha yil uchun reja va loyiha haqida gapirganda, ular meni ishontirishdi. Bu haqda o‘ylashim shart emas edi", — dedi Bellingem Madrid Universal bilan suhbatda.
Bellingem 2023 yilning iyulida Dortmundning "Borussiya" jamoasidan "Real"ga o‘tgan edi. Transfer summasi 103 million yevroni tashkil qildi, futbolchining klub bilan shartnomasi 2029 yilning yoziga qadar mo‘ljallangan. Transfermarkt 20 yoshli futbolchini 180 million yevroga baholamoqda.
Joriy mavsumda Bellingem barcha turnirlarda 38 ta o‘yin o‘tkazib, 22 ta gol urdi va 10 ta golli uzatmani amalga oshirdi.
