"Real Madrid"ning 32 yoshli o‘ng qanot himoyachisi Dani Karvaxal "Los-Blankos"da muvaffaqiyat qozonish uchun yosh futbolchiga nima kerakligi haqidagi savolga javob berdi.
“Madridda muvaffaqiyatga erishish uchun yoshlarga nimalar kerak? Bir necha yil oldin men ham ulardan biri edim, lekin hozir yoshlar juda katta tayyorgarlik bilan kelishmoqda.
Ular qayerdaligini va bu klub qanday yo‘nalishda ekanligini bilishadi. Men ulardan sabr qilishlarini so‘rardim.
Bir daqiqa ham o‘yin vaqtiga ega bo‘lmasdan, bir necha mavsum davomida zaxira o‘rindig‘ida qolish oson emas... lekin moslashish kerak. Keyin imkoniyatlar paydo bo‘lganda, siz ko‘proq tayyorlanasiz", - deya Karvaxalning so‘zlarini keltirmoqda AS.
