Milanning “Inter” klubida to‘p tepayotgan armanistonlik yarim himoyachi Genrix Mxitaryan faoliyatini Saudiya Arabistoni chempionatida davom ettirishi mumkinligi haqida gapirdi.
"Ular chempionatlarini mustahkamlab, futbolni rivojlantirmoqchi, shuning uchun ko‘proq pul evaziga yulduz futbolchilarni chaqirishadi. Shaxsan men bunga salbiy munosabatdaman, men uchun asosiy narsa pul emas; Men futbolni moliyaviy mukofot uchun emas, balki o‘yin uchun yaxshi ko‘raman. Demak, bu eshik men uchun yopiq. Yevropa futboli saviyasi butunlay boshqacha", - dedi futbolchi.
Joriy mavsumda Mxitaryan “Inter” safida 45 ta o‘yin o‘tkazib, 2 ta gol va 11 ta golli uzatmaga mualliflik qilgan.
