Xarri Keyn Yevropa chempionatiga qadar jarohatidan tuzalib ketadi.
Bel qismidagi muammolar tufayli “Bavariya” hujumchisi Chempionlar ligasi yarim finalining “Real” bilan javob o‘yinida almashtirildi (1:2) va Bundesliga doirasida “Volfsburg”ga qarshi o‘yinni (2:0) o‘tkazib yubordi.
The Telegraph xabariga ko‘ra, 30 yoshli futbolchining mavsumning so‘nggi o‘yinida ("Hoffenxaym"ga qarshi) ishtirok etishi hamon so‘roq ostida. Biroq, angliyalik futbolchi Yevro-2024da ishtirok eta oladi.
Futbolchiga yaqin manbalar hujumchi Yevro-2024 ga "100 foiz tayyor" bo‘lishini ta’kidlamoqda.
Yevropa chempionati 14 iyundan 14 iyulga qadar Germaniyada bo‘lib o‘tadi. Angliya terma jamoasi Serbiya, Daniya va Sloveniya bilan bir guruhdan joy oladi.
