Харри Кейн Европа чемпионатига қадар жароҳатидан тузалиб кетади.
Бел қисмидаги муаммолар туфайли “Бавария” ҳужумчиси Чемпионлар лигаси ярим финалининг “Реал” билан жавоб ўйинида алмаштирилди (1:2) ва Бундеслига доирасида “Вольфцбург”га қарши ўйинни (2:0) ўтказиб юборди.
The Telegraph хабарига кўра, 30 ёшли футболчининг мавсумнинг сўнгги ўйинида ("Ҳоффенхайм"га қарши) иштирок этиши ҳамон сўроқ остида. Бироқ, англиялик футболчи Евро-2024да иштирок эта олади.
Футболчига яқин манбалар ҳужумчи Евро-2024 га "100 фоиз тайёр" бўлишини таъкидламоқда.
Европа чемпионати 14 июндан 14 июлга қадар Германияда бўлиб ўтади. Англия терма жамоаси Сербия, Дания ва Словения билан бир гуруҳдан жой олади.
