"Atalanta" hujumchisi Sharl De Ketelare Yevropa Ligasida g‘alaba qozonganidan keyin bu mavsumda juda ko‘p o‘sganini ta’kidladi.
Belgiyalik forvard "Atalanta" safida ijara asosida o‘ynamoqda, ammo Bergamoda ajoyib mavsum o‘tkazgani uchun bu transfer mavsum oxirida doimiy bo‘lishi kutilmoqda.
"Men jamoamdan juda ham faxrlanaman, juda xursandman, hatto aytishga so‘z ham yo‘q. Mavsum boshida bunday natijaga erishishimizni tasavvur ham qilmagandim. Men o‘zimni juda yaxshi his qilyapman.
Bu mavsumda ancha o‘sdim va hech qachon yutqazmagan Leverkuzenga qarshi finalda g‘alaba qozonish juda yoqimli", dedi futbolchi.
