Hammasi Vensan Kompani «Bavariya»ning yangi bosh murabbiyi bo‘lishi tomon ketmoqda. Myunxen klubi nafaqat Kompani bilan kelishuv, balki jamoani kuchaytirish ustida ham ishlamoqda. "The Sun" nashri xabariga ko‘ra, Bundesliga grandi «Manchester Siti»ning hujumkor yarim himoyachisi Jek Grilish uchun taklif bilan chiqishga tayyorlanmoqda.
Manbaning ta’kidlashicha, Kompaniga Grilish yoqadi - belgiyalik murabbiy bu futbolchini yangi jamoasida ko‘rmoqchi.
Jek Grilish 2022/2023 yilgi mavsumda «Manchester Siti»ning asosiy o‘yinchisi bo‘lgan, ammo bu mavsumda Grilishning tarkibdagi ahamiyati pasaygan. "Transfermarkt" 65 million yevroga baholagan 28 yoshli futbolchini klubni o‘zgartirish varianti qiziqtirishi mumkin.
