Ҳаммаси Венсан Компани «Бавария»нинг янги бош мураббийи бўлиши томон кетмоқда. Мюнхен клуби нафақат Компани билан келишув, балки жамоани кучайтириш устида ҳам ишламоқда. "The Sun" нашри хабарига кўра, Бундеслига гранди «Манчестер Сити»нинг ҳужумкор ярим ҳимоячиси Жек Грилиш учун таклиф билан чиқишга тайёрланмоқда.

Манбанинг таъкидлашича, Компанига Грилиш ёқади - бельгиялик мураббий бу футболчини янги жамоасида кўрмоқчи.

Жек Грилиш 2022/2023 йилги мавсумда «Манчестер Сити»нинг асосий ўйинчиси бўлган, аммо бу мавсумда Грилишнинг таркибдаги аҳамияти пасайган. "Transfermarkt" 65 миллион еврога баҳолаган 28 ёшли футболчини клубни ўзгартириш варианти қизиқтириши мумкин.