"Manchester Siti" bosh murabbiyi Pep Gvardiola "Manchester Yunayted"ning asosiy yulduzlaridan biri va sardori Brunu Fernandeshning o‘yin darajasini yuqori baholadi.
“Brununing o‘yinga ta’siri ajoyib. Men bir nechta o‘yinlarni, uning so‘nggi o‘yinlarini tomosha qildim va shunday dedim: "Bu yigitning ijodi men ko‘rgan eng yaxshilaridan biri", - deya ispaniyalikning so‘zlarini keltiradi UtdDistrict.
29 yoshli Brunu Fernandesh 2020 yildan buyon "Manchester Yunayted"da o‘ynab kelmoqda. Bu davrda futbolchi barcha turnirlarda 230 ta uchrashuvda qatnashib, 79 ta gol va 64 ta golli uzatmani amalga oshirgan.