Rossiya terma jamoasining sobiq murabbiyi Stanislav Cherchesov Qozog‘iston terma jamoasining yangi bosh murabbiyiga aylanadi. Bu haqda jurnalist Ivan Karpov xabar bermoqda.
Manbaga ko‘ra, Cherchesov tez orada muzokaralarning yakuniy bosqichi uchun Ostonaga uchadi. 60 yoshli mutaxassis Qozog‘istonda yiliga 1,2 million yevro maosh oladi, shartnoma muddati ko‘rsatilmagan.
Avvalroq, 2022 yilning aprelidan buyon terma jamoani boshqargan Magomed Adiyev Qozog‘iston terma jamoasini tark etgandi. Qayd etilishicha, aynan Adiyev terma jamoaning yangi bosh murabbiyi lavozimiga Cherchesovni tavsiya qilgan.
Cherchesov o‘tgan yilning iyul oyidan beri ishsiz edi, o‘shanda u Vengriyaning "Ferensvarosh"dan haydalgan edi. 2016 yildan 2021 yilgacha u Rossiya terma jamoasini boshqargan va uni o‘z uyidagi jahon chempionatining chorak finaliga olib chiqqan.
Cherchesov shuningdek, "Spartak", "Jemchujina-Sochi", "Terek", "Amkar", "Dinamo Moskva" va Varshavaning "Legiya" klublarida ishlashga muvaffaq bo‘ldi.
