Superliga 10-turida "Paxtakor" Andijonga safar qiladi.

Bellashuvni "sherlar"dan Sardor Sobirxo‘jayev diskvalifikasiya sababli o‘tkazib yuboradi.

Hozirga qadar jamoalar chempionatlarda 54 bor to‘qnash kelishgan. Ulardan 39tasida "Paxtakor" g‘alaba qozongan bo‘lsa, 9 bahsda durang natija qayd etilgan. 6 marta "Andijon" futbolchilari muvaffaqiyatga erishgan. Raqib darvozasini 126 marta ishg‘ol qilgan jamoamiz 37 gol o‘tkazib yuborgan.

Safardagi bellashuvlarda paxtakorchilar 15 g‘alaba, 6 durang va 6 mag‘lubiyatga ega. Klub mehmonda 47 to‘p kiritgan holda o‘z darvozasidan 19 gol olib chiqqan. Jami g‘alabalarning 15tasi raqib ustidan yirik hisobdagi natijalar bilan qo‘lga kiritilgan.

O‘zaro o‘yinlardagi eng yirik natija - 6:0 hisobi 2015 yil Toshkentdagi uchrashuvda kuzatilgan. O‘shanda "Paxtakor" shunday yirik g‘alabaga erishgan.

"Andijon" va "Paxtakor" jamoalari o‘rtasidagi o‘yin 2 iyun, yakshanba kuni soat 19:00da "Bobur Arena" stadionida boshlanadi.