Superliga 10-turidan o‘rin olgan "Bunyodkor" – "Neftchi" (0:3) uchrashuvidan so‘ng mehmonlar bosh murabbiyi Vitaliy Levchenko o‘z fikrlarin bildirib o‘tdi.
Bugungi uchrashuvga yaxshi tayyorgarlik ko‘rgan edik. "Bunyodkor"ning "So‘g‘diyona" bilan uchrashuvini tahlil qilib chiqdik. Hujumda agressivroq o‘ynashimiz kerak edi va ushbu vazifani uddaladik. Bugun chiroyli g‘alaba qozondik.
Maydonga tushirayotgan yigitlarimizga o‘yin amaliyotini taqdim etmoqchi edik. Bizni oldinda FIFA kunlari kutib turibdi va bir nechta futbolchilarimiz terma jamoalariga yo‘l olishadi. Keyingi uchrashuvlarda ularga albatta imkoniyat beramiz.
Manuchehr Safarov ham bugungi o‘yinda ishtirok etmadi. Uch nafar futbolchimizda ham shamollash alomatlari kuzatildi. Futbolchilar ikki kun davomida davolanishdi. Shu sababli bugungi uchrashuvda ularga dam berdik. Yigitlar o‘zini yomon his etishayotganini aytishdi.
2:0 hisobi biz uchun qulay edi. Hisobni ushlab qolishimiz kerak edi, ammo biz bir nechta xatolarga yo‘l qo‘ydik. O‘yin so‘ngida esa yana bitta gol urdik va barchasi yaxshi tugadi.
Jamoada ichki muammolar bor. O‘sha muammolarni hal etishimiz kerak. Bu haqda ommaga jar solishni istayman. Umid qilamanki barchasi tez orada to‘g‘irlanadi.
Biz yangi jamoa yig‘dik. Futbolchilarning bir-birini tushunib olishiga biroz vaqt kerak. Biz mehnat qilmoqdamiz. Hujumchilarimiz ham ko‘proq gol urishni boshlab yuborishdi. Yanada ko‘proq gollar urishga harakat qilamiz.
Raqib haqida bir nima deyish qiyin. Qaldirg‘ochlarning murabbiylari bor va men ularning ishiga baho berishim noto‘g‘ri. Ushbu stadionda birinchi marotaba o‘yin o‘tkazdim. Maydon holati yaxshi ekan. O‘tgan mavsum o‘z o‘yimizda g‘alaba, ammo safarda mag‘lubiyatga uchragandik. Murabbiylar shtabi va rahbariyat o‘zaro kelishgan holda "Bunyodkor"ni yanada kuchaytirishiga ishonchim komil. Ikkinchi davrada ushbu jamoada yaxshiroq o‘yin namoyish etishini taxmin qilaman.
