"Jirona"ning ukrainalik yarim himoyachisi Viktor Sigankov "Bavariya" va Angliya Premyer-ligasining bir qancha klublari qiziqishlari doirasida. Ukraina terma jamoasi vingerining Kataloniya klubi bilan shartnomasida 30 million yevro miqdoridagi band bor.
"Jirona" Sigankovga yuqori tovon puli ko‘zda tutilgan yangi shartnoma taklif qilmoqchi, deb xabar beradi Mundo Deportivo.
Joriy mavsumda 26 yoshli ukrainalik futbolchi “Jirona” safida barcha musobaqalarda 34 ta o‘yinda maydonga tushib, 8 ta gol urdi va 7 ta golli uzatmani amalga oshirdi. Sigankovning ispan klubi bilan shartnomasi 2027 yilning 30 iyuniga qadar amal qiladi.