Ukraina terma jamoasi ustozi Sergey Rebrov jamoasining Yevropa chempionatidagi omadsiz debyuti haqida fikr bildirdi.
Ukrainaliklar ruminiyaliklarga 0:3 hisobida yutqazishdi, ammo Rebrovning fikricha, bu falokat e’lon qilish uchun sabab emas:
"Biz bugun mag‘lub bo‘ldik, tahlil qilamiz va o‘ylaymiz. Bu oxirgi o‘yin emas. O‘yinning ayrim qismlarida raqibga yutqazdik.
Boshlanish yaxshi bo‘ldi, lekin keyin bosim o‘z ta’sirini ko‘rsatdi va xatolar boshlandi. Bizda to‘g‘ri xulosa chiqarib, keyingi, bundan ham muhimroq o‘yinga tayyorgarlik ko‘radigan top futbolchilar bor", - deya Rebrovning so‘zlarini keltiradi BBC Sport.
