O‘zbekiston futbol assosiasiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi tur doirasida bo‘lib o‘tgan uchrashuv intizomiy ishi ko‘rib chiqildi.
Superliga. “Qizilqum” — “Andijon”
“Andijon” futbol klubi tomonidan 2024 yilning 15 iyun kuni Superliganing 11-turi doirasidagi “Qizilqum” — “Andijon” uchrashuvining 24-daqiqasida “Andijon” klubi futbolchisi Ilhomjon Abdig‘aniyevga ko‘rsatilgan qizil kartochkani bekor qilish so‘ralgan.
Tartib-intizom qo‘mitasi Ilhomjon Abdig‘aniyevga ko‘rsatilgan qizil kartochka Intizom kodeksining 5.61-bandiga asosan, o‘zbekiston futbol hakamlari markazi Ekspert hakamlar komissiyasining xulosasiga ko‘ra bekor qilinishi haqida qaror qabul qildi.
