«Katta dubulg‘a» turkumiga kiruvchi uchta turnir chempioni, dunyoning sobiq birinchi raqamli tennischisi, avstraliyalik Eshli Barti «Uimbldon»da afsonalar juftlik turnirida ishtirok etadi. Bu haqda Buyuk Britaniyadagi turnirning ijtimoiy tarmoqlarida xabar berildi.

Legends turniri 9 iyul kuni boshlanadi. Ikki guruhga bo‘lingan musobaqada sakkiz juftlik ishtirok etadi. Guruh bosqichi g‘oliblari finalda to‘qnash kelishadi.

Eshli Barti 2022 yilning mart oyida faoliyatini yakunladi. 28 yoshli avstraliyalik tennischi faoliyati davomida yakkalik bahslarida 305 ta g‘alaba va 102 ta mag‘lubiyat, juftlikda 200 ta g‘alaba va 64 ta mag‘lubiyat qayd etgan.

Hammasi bo‘lib, u 121 hafta davomida reytingda birinchi o‘rinni egalladi. 2021 yilda Barti yakkalik bahslarida ayollar o‘rtasidagi "Uimbldon" chempionligini qo‘lga kiritdi.