Yevropa chempionatining Shotlandiyaga qarshi so‘nggi o‘yinida Vengriya terma jamoasi futbolchisi Barnabas Varga og‘ir jarohat oldi – yuz suyaklari singan va miyasi chayqalgan. Varga hushini yo‘qotdi va tezda kasalxonaga yetkazildi. Keyinroq futbolchi operasiya qilindi. Vengriya terma jamoasi murabbiylar shtabi vakillari Varga yotgan kasalxonaga tashrif buyurishdi. Tegishli surat ijtimoiy tarmoqlarda paydo bo‘ldi.
Eslatib o‘tamiz, Vengriya terma jamoasi uch ochko bilan "A" guruhida uchinchi o‘rinni egalladi. Marko Rossi shogirdlari eng yaxshi uchinchi o‘rinlarni qo‘lga kiritsa, pley-offga chiqishi mumkin. Vengerlar allaqachon ikki ochko bilan uchinchi o‘rinni egallagan Xorvatiyadan oldinda.
