Ukraina terma jamoasi futbolchisi Ilya Zabarniy Belgiya terma jamoasi bilan bo‘lib o‘tadigan Yevro-2024 guruh bosqichi 3-tur uchrashuvidan oldingi fikrlari bilan o‘rtoqlashdi.
“Belgiya – sifatli va xavfli futbolchilarga ega juda yaxshi jamoa. Bizni qanday o‘yin kutayotgani va qanchalik qiyin bo‘lishini barchamiz tushunamiz.
Ammo menimcha, imkonsiz narsaning o‘zi yo‘q. Guruhdagi vaziyat qanday bo‘lishi mumkinligini o‘rganishni ham istamayman: menda bitta vazifa va bitta maqsad bor – Belgiyani mag‘lub etish. Men faqat shunga moslashyapman", - deya Zabarniyning so‘zlarini keltiradi UEFA rasmiy sayti.
