Rossiya terma jamoasining sobiq sardori Andrey Arshavin “Match TV” telekanalida 2024 yilgi Yevropa chempionati g‘olibini bashorat qildi.
Arshavinning so‘zlariga ko‘ra, chorak finalda Ispaniya Germaniya, Portugaliya Fransiya, Niderlandiya Avstriya, Angliya esa Shveysariya bilan to‘qnash keladi.
Mutaxassis yana ispanlar nemislarni mag‘lub etishini, fransuzlar portugallarni nokautga uchratishini, avstriyaliklar kutilmaganda niderlandlarni mag‘lub etishlarini, inglizlar esa shveysariyaliklar ustidan g‘alaba qilishini taxmin qildi.
Arshavin Fransiya va Angliya terma jamoalarini Yevro-2024 finaliga jo‘natib, inglizlarning Garet Sautgeyt bilan muvaffaqiyatiga ishonmasligini, shuning uchun fransuzlar g‘olib bo‘lishini ta’kidladi.