"Napoli" yarim himoyachisi Stanislav Lobotka "Barselona"ga o‘tishi mumkinligi haqida gapirdi.
Eslatib o‘tamiz, slovakiyalik yarim himoyachining Antonio Konte jamoasi bilan shartnomasi 2027 yilning yoziga qadar tuzilgan.
"Barselona"mi? Men bu klubni bolaligimdan, Deku va Ronaldino kabi futbolchilar o‘ynagan paytdan beri kuzatib kelaman. Agar taklif tushsa, u yerga borishni istardim", - dedi Lobotka Barca Universal bilan suhbatda.
29 yoshli Lobotka - "Napoli"ning asosiy o‘yinchilaridan biri. O‘tgan mavsumda yarim himoyachi Luchano Spaletti boshchiligidagi jamoa bilan Italiya chempionatida g‘alaba qozonishga muvaffaq bo‘ldi.