Sloveniya terma jamoasi himoyachisi Yaka Biyol 2024 yilgi Yevropa chempionati 1/8 finalida Portugaliya bilan o‘yindan so‘ng jurnalistlar bilan suhbatlashdi.
“Men jamoamiz bilan faxrlanaman, biz 100 foiz borimizni berdik. Uchrashuv penaltilar seriyasiga qadar davom etdi, bunda bizga omad kulib boqmadi. Ammo biz o‘z o‘yinimiz bilan faxrlanishimiz kerak. Albatta, biz g‘alaba qozonishni xohlagandik. Kuchli bo‘lib qaytamiz. Sloveniya eng yaxshilar bilan raqobatlasha olishini ko‘rsatdi. Bu oxirgisi bo‘lmaydi", - dedi futbolchi.
