"Manchester Yunayted" hujumchi Markus Reshfordni saqlab qolishni afzal ko‘radi, ammo xayrlashish ehtimolini istisno qilib bo‘lmaydi.
Bir yil avval Reshford "Manchester Yunayted" bilan haftasiga 325 ming funt sterling miqdorida yangi besh yillik shartnoma imzoladi va bu unga faoliyatidagi eng yaxshi 30 golli mavsum uchun mukofot berdi.
Biroq o‘tgan mavsumda Reshford atigi 8 marta gol urdi va intizomdagi muammolar uning formadagi pasayishiga sabab bo‘ldi. Markusning Yevro-2024 uchun Angliya terma jamoasiga kiritilmagani kutilmagan holat emas edi.
Manchester Evening News nashri xabariga ko‘ra, futbolchining akasi Dueyt Maynard 26 yoshli Reshfordga yozda klubini o‘zgartirishga yordam beradigan agentlik bilan muzokara olib borgan.
Reshford vakillari endi "MYU"ning yangi rahbariyati, jumladan, sport direktori Den Eshuort bilan gaplashishi kerak bo‘ladi va "Old Trafford" bosh murabbiy Erik Ten Xag bilan munosabatlari sezilarli darajada sovuqlashgan Markusni sotish imkoniyatini inkor etmayapti.
