Ernan Kresponing fikricha, Romelu Lukaku milanliklar tarkibiga mos tushadi.
Avvalroq Italiya klubi belgiyalik hujumchiga qiziqish bildirayotgani, shuningdek, Joshua Zirkzee transferini ham rejalashtirayotgani haqida xabar berilgandi.
"Zirkzee kelajak uchun o‘yinchi, Lukaku esa hozirgi vaziyatga mosroq ko‘rinadi.
Ochig‘ini aytganda, niderlandiyalik katta salohiyatga ega, biz esa faxriyning fazilatlarini allaqachon bilamiz.
Barcha markaziy hujumchilar bir xil emas.
Zirkzee ortga qaytishni va jamoadoshlari bilan muloqot qilishni yaxshi ko‘radi, lekin u ham to‘pni himoya qilish uchun zarur jismoniy kuchga ega", – dedi Krespo.
