SSKA yarim himoyachisi Abbosbek Fayzullayev kecha bo‘lib o‘tgan "OFK Belgrad" klubiga qarshi o‘yin (4:0) borasida o‘z fikrini bildirib o‘tdi.

— O‘yin haqida fikringiz?
— Juda yaxshi, yorqin o‘yin bo‘ldi. Atmosfera ham yuqori darajada bo‘ldi. Muxlislarga rahmat aytaman. Shuncha muxlis qarshisida yirik hisobda g‘alaba qozonish hamisha yoqimli.

— SSKA yangi mavsumga qanchalik tayyor?
— Yangi mavsumga kam vaqt qoldi. Sidqidildan tayyorgarlikni davom ettiryapmiz.

— Yelkangizga nima bo‘ldi? Lat yedimi?
— O‘yin paytida himoyachilardan biri lat yetkazdi.

— Jamoada o‘tgan mavsumdagi natijani yaxshilash istagi bormi?
— Jamoada yangi murabbiy ish boshladi. U bilan birgalikda yangi mavsumga tayyorgarlik ko‘ryapmiz. Umid qilaman, o‘z maqsadimizga erishamiz.

— Yangi murabbiy haqida nima deya olasiz?
— U menga juda yoqadi. Nikolich barcha o‘yinchilar bilan yaxshi munosabat o‘rnatdi. U bilan muvaffaqiyatga erishishimizga ishonaman.