“Jirona” hujumchisi Artyom Dovbik hozirgi jamoasida qolishga qaror qildi, deb xabar beradi AS. Futbolchi agentga tushgan takliflarni rad etishni buyurgan.
Ukrainalik futbolchi “Jirona”ni tark etishga tayyor edi, biroq Ispaniyada qolishni xohlardi. Uning “Atletiko” bilan varianti bor edi, biroq "matraschilar" kataloniyaliklarga futbolchi uchun zarur bo‘lgan 40 million yevroni to‘lashni istashmadi.
Forvardga "Milan" ham qiziqish bildirayotgandi, ammo "rossonerilar" bilan ham kelishuvga erishilmagan ko‘rinadi. Natijada futbolchi yana bir yilni "Jirona"da o‘tkazishga qaror qildi.
Dovbik birinchi mavsumidayoq La Liganing eng yaxshi to‘purariga aylandi. Ispaniya chempionatining so‘nggi mavsumida 27 yoshli hujumchi 36 ta o‘yin o‘tkazib, 24 ta gol urgan.
