“Жирона” ҳужумчиси Артём Довбик ҳозирги жамоасида қолишга қарор қилди, деб хабар беради AS. Футболчи агентга тушган таклифларни рад этишни буюрган.

Украиналик футболчи “Жирона”ни тарк этишга тайёр эди, бироқ Испанияда қолишни хоҳларди. Унинг “Атлетико” билан варианти бор эди, бироқ "матрасчилар" каталонияликларга футболчи учун зарур бўлган 40 миллион еврони тўлашни исташмади.

Форвардга "Милан" ҳам қизиқиш билдираётганди, аммо "россонерилар" билан ҳам келишувга эришилмаган кўринади. Натижада футболчи яна бир йилни "Жирона"да ўтказишга қарор қилди.

Довбик биринчи мавсумидаёқ Ла Лиганинг энг яхши тўпурарига айланди. Испания чемпионатининг сўнгги мавсумида 27 ёшли ҳужумчи 36 та ўйин ўтказиб, 24 та гол урган.