AQSHda 2024 yilgi Amerika kubogi yakuniga yetdi 14 iyuldan 15 iyulga o‘tar kechasi Argentina va Kolumbiya terma jamoalari o‘rtasida nufuzli musobaqaning final uchrashuvi bo‘lib o‘tdi.
“Albiseleste” minimal 1:0 hisobida g‘alaba qozondi. Golga hujumchi Lautaro Martines mualliflik qildi.
Argentina terma jamoasi yulduzi Lionel Messi finalda 65 daqiqa harakat qildi.
Tajribali forvard jarohati sabab almashtirildi. O‘zgartirishdan so‘ng Leo zaxira o‘rindig‘ida yig‘ladi.
Hujumchi ushbu turnirni kamtarona natijalar bilan yakunladi. Amerika kubogida Messi beshta o‘yinda qatnashib, bitta gol va bitta golli uzatmani amalga oshirdi.
Eslatib o‘tamiz, Portugaliya safida Krishtianu Ronaldu birorta ham gol ura olmadi, u bitta assistni o‘z hisobiga yozdirib qo‘ydi.