АҚШда 2024 йилги Америка кубоги якунига етди 14 июлдан 15 июлга ўтар кечаси Аргентина ва Колумбия терма жамоалари ўртасида нуфузли мусобақанинг финал учрашуви бўлиб ўтди.
“Альбиселесте” минимал 1:0 ҳисобида ғалаба қозонди. Голга ҳужумчи Лаутаро Мартинес муаллифлик қилди.
Аргентина терма жамоаси юлдузи Лионель Месси финалда 65 дақиқа ҳаракат қилди.
Тажрибали форвард жароҳати сабаб алмаштирилди. Ўзгартиришдан сўнг Лео захира ўриндиғида йиғлади.
Ҳужумчи ушбу турнирни камтарона натижалар билан якунлади. Америка кубогида Месси бешта ўйинда қатнашиб, битта гол ва битта голли узатмани амалга оширди.
Эслатиб ўтамиз, Португалия сафида Криштиану Роналду бирорта ҳам гол ура олмади, у битта ассистни ўз ҳисобига ёздириб қўйди.