Argentina terma jamoasining yulduz hujumchisi Lionel Messi yaratilgan golli vaziyatlar soni bo‘yicha Amerika Kubogi-2024ning eng yaxshi futbolchisiga aylandi. Bu haqda Whoscored statistika portali xabar bermoqda.
Manbaga ko‘ra, 37 yoshli forvard final turnirida 7 ta golli vaziyat yaratgan. Messi Amerika kubogida beshta o‘yin o‘tkazib, bitta gol va bitta golli uzatmani amalga oshirdi.
Nufuzli turnirning final uchrashuvida Argentina terma jamoasi Kolumbiyani minimal hisobda mag‘lub etdi – 1:0. Qo‘shimcha vaqtda yagona gol hujumchi Lautaro Martines tomonidan kiritildi.
