Аргентина терма жамоасининг юлдуз ҳужумчиси Лионель Месси яратилган голли вазиятлар сони бўйича Америка Кубоги-2024нинг энг яхши футболчисига айланди. Бу ҳақда Whoscored статистика портали хабар бермоқда.
Манбага кўра, 37 ёшли форвард финал турнирида 7 та голли вазият яратган. Месси Америка кубогида бешта ўйин ўтказиб, битта гол ва битта голли узатмани амалга оширди.
Нуфузли турнирнинг финал учрашувида Аргентина терма жамоаси Колумбияни минимал ҳисобда мағлуб этди – 1:0. Қўшимча вақтда ягона гол ҳужумчи Лаутаро Мартинес томонидан киритилди.
