Fransiya Argentina terma jamoasi futbolchilarining haqoratomuz qo‘shiqlari yuzasidan FIFAga shikoyat qiladi.
Finalda Argentina Kolumbiyani mag‘lub etgan (1:0, qo‘shimcha bo‘lim) Amerika Kubogidagi g‘alabani nishonlash chog‘ida futbolchilar Fransiya terma jamoasi o‘yinchilari haqida haqoratomuz ashula aytishdi: "Ular Fransiya uchun o‘ynaydi, lekin ularning barchasi Angoladan keladi. Ularning onalari nigeriyalik, otalari kamerunlik, lekin pasportlarida “fransuz” deb yozilgan. Videoni Argentina va “Chelsi” terma jamoasi yarim himoyachisi Enso Fernandes ijtimoiy tarmoqqa joylashtirgan, biroq ko‘p o‘tmay translyasiyani to‘xtatib qo‘ygan.
La Provence nashrining xabar berishicha, Fransiya futbol federasiyasi argentinalik futbolchilarning irqiy xatti-harakatlari yuzasidan FIFAga murojaat qiladi, shuningdek, Argentina futbol assosiasiyasiga chora ko‘rishni talab qilib xat yuboradi.
