«Dinamo» jamoasi Superliga 2-davrasiga tayyorgarlik doirasida Qirg‘izistonda o‘tkazayotgan yig‘inda dastlabki o‘rtoqlik uchrashuvida maydonga tushdi.

Issiqko‘ldagi bahsda Vadim Abramov shogirdlari Qirg‘iziston chempionati vakili «OshMU Aldiyer» jamoasiga qarshi saf tortdi. O‘yindagi dastlabki gol jamoamizda ko‘rikda bo‘lgan Sherzod Qodirovning uzatmasidan keyin Iminov tomonidan kiritilgan bo‘lsa, ko‘p o‘tmay Abdullayevning uzatmasini Shoahmedov golga aylantirdi. 37-daqiqada esa Shoahmedovning pasidan keyin Sherzod Qodirov hisobni yiriklashtirdi – 3:0.

Ikkinchi bo‘limda tarkib to‘liq o‘zgardi, faqatgina Kojo maydonda qoldirildi. 50-daqiqada Xalilovning uzatmasini Hojimirzayev golga aylantirgan bo‘lsa, 78-daqiqada jamoamizda ko‘rikda bo‘lgan braziliyalik yarimhimoyachi da Silva gol muallifiga aylandi. O‘shliklar 53 va 90-daqiqada gol urishdi, yakuniy hisob – 5:2.

«Dinamo»ning qo‘shni mamlakatdagi yig‘ini 22 iyulgacha davom etadi.

O‘rtoqlik uchrashuvi. Issiqko‘l.
17 iyul (chorshanba)
«OshMU Aldiyer» (Qirg‘iziston) – «Dinamo» - 2:5
Gollar: Humoyunmirzo Iminov 9, Sanjar Shoahmedov 12, Sherzod Qodirov 37, Anvarjon Hojimirzayev 50, Da Silva 78 – 53, 90.  
«Dinamo» (1-bo‘lim): Ravshanbek Yagudin, Muhammadali Tursunov, Dushan Miyich, Salim Mustafoyev, Ulug‘bek Abdullayev, Ratinyo Ferreyra, Abubakr Muydinov, Humoyunmirzo Iminov, Sanjar Shoahmedov, Sherzod Qodirov, Kojo Joel.
«Dinamo» (2-bo‘lim): Farhod Rahmatov, Vladimir Kozak, Ismoil, Vohidjon Oqbo‘tayev, Xislat Xalilov, Komil Sharofutdinov, Fransis Narx, Damir Temirov, Da Silva, Anvarjon Hojimirzayev, Kojo Joel.