Yarim himoyachi Meyson Maunt yozgi transfer oynasida "Manchester Yunayted"ni tark etishi mumkin, bu haqda Todofichajes portalida xabar berilgan.

Manbaga ko‘ra, "qizil iblislar" rahbariyati futbolchini sotuvga qo‘yib, yaxshigina tovon puli evaziga undan qutulishga tayyor. Eslatib o‘tamiz, mankunianliklar Meysonni Londonning “Chelsi” klubidan 60 million yevro evaziga sotib olgandi.

O‘tgan mavsumda Angliya Premyer-ligasida Maunt 14 ta o‘yin o‘tkazib, bitta gol urdi va ikkita sariq kartochka oldi. Yarim himoyachi “qizil iblislar”ning asosiy tarkibiga kirmaydi.