ESPN asrimizning eng yaxshi MMA jangchilarining o‘nlik reytingini tuzdi. Uning tarkibiga ikki nafar rossiyalik – Xabib Nurmagomedov va Fedor Emelyanenko kirgan.
Nurmagomedov reytingda beshinchi o‘rinni egalladi. U MMAda 29 g‘alabaga ega va mag‘lubiyatga uchramagan.
Xabib 2018 yil aprel oyida yengil vazn toifasida UFC chempionligini qo‘lga kiritdi. Uning 2018-yilda bo‘lib o‘tgan Konor Makgregor bilan jangi MMA tarixidagi eng yuqori daromad keltirgan jangga aylandi. Rossiyalik o‘zining so‘nggi jangini 2020 yilning oktyabr oyida Jastin Getjiga qarshi o‘tkazgan va shundan so‘ng u faoliyatini yakunlagan.
Birinchi o‘rinni yarim og‘ir vazn toifasida sobiq UFC chempioni va hozirgi og‘ir vazndagi chempion Jon Jonsni egalladi. Ikkinchi o‘rinni yarim o‘rta va o‘rta vazn toifasida sobiq UFC chempioni Jorj Sent-Pyer, uchinchi o‘rinni o‘rta vazn toifasida sobiq UFC chempioni Anderson Silva egalladi.
Ikki vazn toifasida sobiq UFC chempioni Konor Makgregor kuchli o‘ntalikka kiritilmadi.
