ESPN асримизнинг энг яхши ММА жангчиларининг ўнлик рейтингини тузди. Унинг таркибига икки нафар россиялик – Хабиб Нурмагомедов ва Федор Емельяненко кирган.

Нурмагомедов рейтингда бешинчи ўринни эгаллади. У ММАда 29 ғалабага эга ва мағлубиятга учрамаган.

Хабиб 2018 йил апрель ойида енгил вазн тоифасида UFC чемпионлигини қўлга киритди. Унинг 2018-йилда бўлиб ўтган Конор Макгрегор билан жанги ММА тарихидаги энг юқори даромад келтирган жангга айланди. Россиялик ўзининг сўнгги жангини 2020 йилнинг октябрь ойида Жастин Гэтжига қарши ўтказган ва шундан сўнг у фаолиятини якунлаган.

Биринчи ўринни ярим оғир вазн тоифасида собиқ UFC чемпиони ва ҳозирги оғир вазндаги чемпион Жон Жонсни эгаллади. Иккинчи ўринни ярим ўрта ва ўрта вазн тоифасида собиқ UFC чемпиони Жорж Сент-Пьер, учинчи ўринни ўрта вазн тоифасида собиқ UFC чемпиони Андерсон Силва эгаллади.

Икки вазн тоифасида собиқ UFC чемпиони Конор Макгрегор кучли ўнталикка киритилмади.