"Barselona" Ispaniya va "Atletik Bilbao" futbolchisi Niko Uilyams bilan kelishuvga yaqin turibdi.
Ishonchli xabarlarga ko‘ra, kataloniyaliklar vingerning agenti bilan kelishuvga erishgan. Bu futbolchining o‘ziga bog‘liq, u o‘ylashga vaqt ajratdi, lekin ijobiy javob berishga moyil, deya xabar beradi jurnalist Matteo Moretto. Yakuniy qaror keyingi haftada qabul qilinishi kutilmoqda.
"Barselona" prezidenti Joan Laporta va sport direktori Deku Niko Uilyamsni loyihaning bir qismi bo‘lishga ishontirish uchun qo‘llaridan kelganini qilishdi. Shuningdek, 22 yoshli Yevropa chempioni "PSJ" va Angliya Premyer-ligasi vakillari qiziqish bildirayotganiga qaramay, Ispaniyada qolishni afzal ko‘rayotgani ma’lum.
