Fransiyaga qarshi finalda umumiy hisob kunchiqar yurt vakillari foydasiga 3:1 bo‘lib turganida raqib kambek amalga oshirdi va hisob tenglashdi.

Shundan keyin, reglamentga ko‘ra, qur’a orqali oltin uchun hal qiluvchi bahs o‘tkaziladigan bo‘ldi. Qur’a esa tatamiga Fransiyaning eng kuchli vakili, to‘rt karra olimpiya chempioni Teddi Riner chiqishini ko‘rsatdi va u raqibini ippon bahosi bilan yengib, besh karra olimpiya chempioniga aylandi.

Dzyudo vatani bo‘lgan Yaponiya vakillari qatorasiga ikkinchi olimpiadada jamoaviy bahslarda fransuzlarga yutqazishdi va maydonni ko‘zda yosh bilan tark etishdi.