Karlo Anchelotti "Real Madrid" futbolchilarining jismoniy holatiga baho berdi.

Madridliklar AQSHdagi mavsumoldi bahslarida "Milan" (0:1) va "Barselona"ga (1:2) mag‘lub bo‘lishdi.

"Modrich yaxshi formaga qaytdi va uning jismoniy holati unga o‘ynash imkonini beradi. O‘yin davomida u bilan gaplashmadim, u yaxshi edi va oxirigacha o‘ynadi. U biroz charchagan, ammo keyingi o‘yinda yarim taym o‘ynay oladi deb o‘ylayman.

Militao yaxshi jismoniy holatga qaytdi va Vinisius ta’til paytida ishlaganini ko‘rsatdi. Hozir futbolchilar yaxshi holatda qaytishmoqda, buning ustida ko‘p mehnat qilishlari shart emas", - dedi “Real” bosh murabbiyi.