Fransiyaning yetakchi polisiya uyushmasi – Milliy polisiya ittifoqining maxsus maslahatchisi Rik Anrining aytishicha, polisiya xodimlari yashaydigan yotoqxonalarda tarakanlar va sichqonlar ko‘paygan.

"Ayrim polisiya xodimlari bir qator noqulayliklarga duch kelishdi. Ma’lum bo‘lishicha, yotoqxonalarda tarakanlar bo‘lgan. Biz ma’muriyatdan eksterminatorlarni chaqirishni so‘rashga majbur bo‘ldik. Biroq, bundan keyin yotoqxonalarda nafaqat parazitlar, balki sichqonlar ham borligi ma’lum bo‘ldi. Yotoqxonalar yomon ta’mirlangan, kanalizasiya bilan bog‘liq muammolar bor", — deydi Anri.