Yozgi Olimpiya o‘yinlarida Fransiya sharafini himoya qilayotgan mezbon sportchilar musobaqadagi medallar uchun qancha mukofot puli olishi ma’lum bo‘ldi.

RMC Sport nashrining yozishicha, Olimpiya va Paralimpiya o‘yinlarida g‘olib chiqqan fransiyalik sportilarga 80 ming yevro mukofot puli beriladi. Shuningdek, har bir kumush medal uchun 40 ming, bronza medalga 20 ming yevro miqdorida mablag‘ ajratilgan.

Agar bir sportchi bir necha marotaba shohsupasiga ko‘tarilsa, shunga yarasha mukofot puli oladi.

Masalan, fransiyalik suzuvchi Leon Marshan Olimpiya o‘yinlarida to‘rtta oltin va bitta bronza, jami beshta medalni qo‘lga kiritdi. Endi unga 340 ming yevro miqdorida mukofot pul beriladi.