"Yuventus" hujumchisi Arkadiush Milik jamoada o‘zini ko‘rsatish uchun yangi imkoniyatga ega bo‘lishi mumkin.
Yoz boshida polyak "byankonerilar"ning yangi bosh murabbiyi Tiago Mottaning rejalariga kiritilmagan futbolchilar qatorida edi. "Yuventus" 30 yoshli futbolchi bilan xayrlashishga tayyor edi, ammo hozir vaziyat o‘zgardi - katta ehtimol bilan forvard tarkibga qayta qo‘shiladi, deya xabar beradi jurnalist Jovanni Albaneze. Turinliklar murabbiyi tajribali forvardga ishonishga tayyor.
O‘tgan mavsumda Arkadiush Milik 36 ta o‘yinda 8 ta gol va bitta golli uzatmaga mualliflik qilgan. Hujumchining shartnomasi 2026 yilgacha mo‘ljallangan.
