"Ювентус" ҳужумчиси Аркадиуш Милик жамоада ўзини кўрсатиш учун янги имкониятга эга бўлиши мумкин.
Ёз бошида польяк "бьянконерилар"нинг янги бош мураббийи Тиаго Моттанинг режаларига киритилмаган футболчилар қаторида эди. "Ювентус" 30 ёшли футболчи билан хайрлашишга тайёр эди, аммо ҳозир вазият ўзгарди - катта эҳтимол билан форвард таркибга қайта қўшилади, дея хабар беради журналист Жованни Альбанезе. Туринликлар мураббийи тажрибали форвардга ишонишга тайёр.
Ўтган мавсумда Аркадиуш Милик 36 та ўйинда 8 та гол ва битта голли узатмага муаллифлик қилган. Ҳужумчининг шартномаси 2026 йилгача мўлжалланган.
