Tarix yozishda davom etamiz. Boks bo‘yicha O‘zbekiston terma jamoasi a’zosi, jahon chempioni Abdumalik Xalokov sovrinlari orasiga yozgi Olimpiya o‘yinlarining oltin medalini ham qo‘shib qo‘ymoqda.

Buxorolik sportchimiz chempionlik jangida Qirg‘iziston vakili Munarbek Seitbek o‘g‘lini yaqqol ustunlik bilan mag‘lub etib, shohsupaning eng yuqori pog‘onasiga ko‘tarildi. Hakamlarning baholari — 5:0 (30:27, 30:27, 30:27, 30:27, 29:28).

Ushbu muvaffaqiyatdan keyin O‘zbekiston delegasiyasi hisobidagi medallar hozircha 7 ta oltin, 1 ta kumush va 3 ta bronzaga yetmoqda.