Olimpiada yopilishida xavfsizlikni ta’minlashga 20 mingdan ortiq polisiyachi va jandarm jalb etilgan.

Bu haqda Fransiya Ichki ishlar vazirligi rahbari Jerald Darmanin ma’lum qildi.

"2,5 mingdan ortiq huquq-tartibot idoralari xodimlari bevosita “Stad de Frans” stadioniga joylashtiriladi, ular yopilish marosimidan so‘ng tomoshabinlar stadionni tark etganda ham transport xavfsizligini ta’minlaydi.

Olimpiadaning so‘nggi oqshomida tartibni saqlash uchun 20 mingdan ortiq huquq-tartibot xodimlari Parij ko‘chalarida bo‘ladi”, — dedi Darmanin.

Yopilish marosimi bugun Toshkent vaqti bilan 23:15 da boshlanadi.